Բարի գալուստ «Վոլտա»՝ ձեր վստահելի գործընկերը արևային էներգետիկայի ոլորտում։ Մենք առաջարկում ենք ժամանակակից լուծումներ արևային տեխնոլոգիաների և էկոլոգիական էներգիայի ոլորտներում, որոնք նախատեսված են բավարարելու ձեր ամենախիստ պահանջները։

«Վոլտա»-ն հիմնադրվել է 2018 թվականին։ Մասնագիտացված լինելով արևային էներգիայի ոլորտում և արժանանալով հաճախորդների և գործընկերների վստահությանը՝ շատ կարճ ժամանակահատվածում «Վոլտա»–ն դարձավ աշխարհում լավագույն հնգյակի մեջ ներառված արևային փոխակերպիչներ արտադրող Huawei ընկերության պաշտոնական ներկայացուցիչը Հայաստանում, ինչպես նաև ռուսական Soft Term ընկերության միակ և լիցենզավորված գործընկերը տարածաշրջանում։

Մեր առաքելությունը

«Վոլտա»-ի առաքելությունն է իր կայուն ներդրում ունենալու վերականգնվող էներգիայի հեղափոխության մեջ։ Ամբողջ աշխարհում զգալի միտում կա անցում կատարելու արևային էներգետիկայի՝ որպես կայուն ապագայի գրավական։

Մեր կողմից առաջարկվող ծառայությունները հասանելի են յուրաքանչյուրին։ Մասնագիտացված լինելով արևային ջեռուցման և արևային ֆոտովոլտային կայանների տեղադրման ոլորտում՝ ընկերությունն առաջարկում է լուծումներ, որոնց օգնությամբ հաճախորդներն արևից ստացվող էներգիան (էլեկտրաէներգիա) սպառում են նաև ջեռուցման նպատակով:

Մեր ընկերությունն առաջարկեց և ներդրեց էներգաարդյունավետ և խնայող ծրագիր, որի միջոցով հնարավոր է դառնում արևից ստացված էլեկտրաէներգիան  օգտագործել նաև տան ջեռուցման նպատակով՝ նվազեցնելով կամ զրոյացնելով կոմունալ վճարները։ Սրանով սկիզբ դրվեց իրական էներգետիկ անկախության կամ այլ կերպ ասած՝ VOLTA ZERO նախագծին՝ մարդկանց հնարավորություն ընձեռելով երկարաժամկետ կտրվածքով զգալի օգուտներ ստանալու:

Ինչու՞ ընտրել մեզ

• Տարիների փորձ՝ համադրված արևային էներգետիկայի ոլորտում առաջադեմ նորարարական տեխնոլոգիաների կիրառմամբ։
• Ծառայութունների ամբողջական փաթեթների տրամադրում՝ արևային կայանների նախագծում և տեղադրում, ջեռուցման համակարգերի նախագծում և տեղադրում, արևային կայանների մոնիթորինգ, էլեկտրական լիցքավորիչների տեղադրում, ջեռուցման և Էլեկտրաէներգիայի ծախսերի վերլուծություն, բնակարանների էներգաարդյունավետ լուծումների առաջարկում։
• Անհատական մոտեցում յուրաքանչյուր հաճախորդի կոնկրետ պահանջներին։
• Վստահելի աջակցություն մեր փորձառու թիմի կողմից՝ ապահովելու համար մեր հաճախորդների գոհունակությունը։
• Կանաչ ապագա կերտելու առաքելություն՝ ուղղված վտանգավոր արտանետումների նվազեցմանը և բնապահպանական ռիսկերի նվազեցմանը։

Միացե՛ք մեր ընտանիքին

Առաջին քայլն արե՛ք դեպի ավելի մաքուր ու կանաչ ապագա։ Անկախ նրանից, թե դուք ցանկանում եք տեղադրել փոքրիկ արևային համակարգ ձեր տանը, թե խոշոր արևային կայան ձեռնարկությունում, մենք առաջարկում ենք լուծումներ, որոնք կծառայեն հենց ձեր նպատակներին։ Ծանոթացե՛ք մեր ապրանքներին ու ծառայություններին, և մենք կօգնենք ձեզ գտնելու այն, ինչ փնտրում եք։